मिति २०६६ माघ ९ गते शनिबार ।

गेसो ललितपुर जिल्ला समिति तथा महिला समितिद्वारा आयोजित बनभोज कार्यक्रम त्रिभुवन पार्क, थानकोटमा सफलताका साथ सम्पन्न भयो । कार्यक्रमलाइ सञ्चालन गर्ने अभिभारा बोक्नु भएका गेसो ललितपुर जिल्लाका सभापति रत्न राइज्यूले सर्वप्रथम कन्दमूल खाएर कार्यक्रमको शुरुवात गर्नु भयो । तरुलको स्वादले उपस्थित सबैलाइ मोहित बनाएको थियो भने बर्गर र पिज्जामा रुमल्लिएको नयाँ पीढीको माँझ परम्परालाइ धान्न माघेस‌ङरातिमा मात्र सिमित रहेको कन्दमूल खाने चलनले असली स्वादबाट यस पीढी कति बञ्चित रहेछन प्रष्ट भयो ।

करिब १५० जना भूपु सैनिक तथा तिनका परिवारहरुको उपस्थितिमा कार्यक्रमलाइ रमाइलो र अविष्मरणीय बनाउन शिकार खेल्ने बिबिक्यू गर्ने र चिठ्ठा तान्ने कार्यक्रम समेतको व्यवस्था गरिएको थियो । कार्यक्रमलाई मनोरञ्ज बनाउन सफल कार्यक्रमहरुमध्ये चिठ्ठा तान्ने कार्यक्रमले सबैलाइ मुक्तकण्ठले हाँस्न बाध्य बनाएको थियो ।

नियम अनुसार चिठ्ठा तान्ने ब्यक्तिहरुले चिठ्ठामा लेखिए अनुसार विभिन्न जनावरहरुको आवाज निकाल्नुपर्ने नाच्नु पर्ने, गाउनु पर्ने, विभिन्न चर्चित व्यक्तिहरुको अभिनय र नक्कल गर्नु पर्ने भएकोले कार्यक्रम चरम हाँसोमा हराउन पुगेको थियो भने झनै बिर्सनै नसकिने कुरा केन्द्रीय उपसभापति कृष्णकुमार राईले झ्याउरे गीत गाउँदा महासचिव महेन्द्रलाल राई नाच्नु हुँदा माहोल एकदमै रमाइलो बन्न पुगेको थियो ।

कार्यक्रमको अन्तिम चरणमा केन्द्रीय उपसभापति कृष्णकुमार राईको हातबाट सर्वोकृत्ष्ठ अङ्क ल्याइ शिकारीको पग री गुथ्न सफल हुनुभएका पुरुष तर्फ श्री छत्रबहादुर सुनुवार तथा महिला तर्फ जयकुमारी राईज्यूले पुरस्कार ग्रहण गर्नु भयो । समयले डाडो काटीसकेको कसैलाइ पत्तो भएन । सुख पछीको दुख हाँसो पछिको रोदन भनेजस्तै नचाहँदा नचाहँदै ललितपुर जिल्लाका सभापति श्री रत्न राईज्यूले कार्यक्रम समापनको घोषणा गर्नु भयो । सबैजनाले निरासा पछिको आशा जस्तै फेरी भेट हुने वाचा सहित कार्यक्रमबाट विदा भए ।